Melodie der Strophen: Oh wenn dä Senn
Demokratie – gut aber langsam
Alles: Mein kleiner grüner Kaktus
Im Schwizerland, do herrscht no
Zum Glück Demokratie
I dä Schwiz, i dä Schwiz, i dä Schwiz
Gar jede Tubel cha do
Ä Stimm i d’Urne geh
I dä Schwiz, i dä Schwiz, i dä Schwiz
Es git Initiative
Und Referendum au
Blöd isch nur, nöd jede Tubel checkt das au
Nur eis Problem, da händ mir
S’goht alles huere lang
I dä Schwiz, i dä Schwiz, i dä Schwiz
Üs vo dä Schnitzelbank
Mach da scho langsam chrank
I dä Schwiz, i dä Schwiz, i dä Schwiz
Well alles langsam goht
Und d’Zit nöd eifach stoht
Sind Themene vo letscht Johr au i dem Johr dra
Und trotzdem Gott sei Dank
Händ mir ä Schnitzelbank
Schnitzelbank, oh du schöni Schnitzelbank
Alles wird teurer, ausser…
Alles: Marmor, Stein und Eisen bricht
S’Lebe isch fäng huere tüür
Nöd nur weg dä Bundesstüür
Au Mieti, Sprit und SBB
Choschtet immer meh
Jetzt schloht au no dä Kafi uf
Dass ich bald nur no Wasser suf
Fascht alles choschtet hüt so viel
Nur öppis blibt stabil
Chunsch hi und chunsch au wieder hei
Und das au nur für 40 Stei
D’Vignette, die isch dä Hit
Wells do kei Tüürig git
Die alte Strosse sind scho he
Und neui wird’s jetzt nüme geh
Drum blibsch du bald fü 40 Stei
Am gschidschte grad dihai
Privatsphäre
Ref: Pink Panther
Nüt isch me gheim, du wirsch,
verfolgt uf Schritt und Tritt,
Paranoid, wirsch jetzt denn bald
Bisch überwacht, nümm frei
Selbst uf em stille Örtli
Hesch kei Rueh, bisch kontrolliert
D‘NSA die loset mit, au jetzt und überall
Jetzt pass guet uf, es wird pikant
Denn dini Tate sind riskant
Kei einzigs Detail blibt no gheim
Au nöd dä jetzig gsungä Reim
Wa du au machsch, es wird notiert
Dokumentiert und registriert
Im Aschluss alls analysiert
Und denn no katalogisiert
Ref: Rivers of Babylon
Du bisch doch kein Mörder, kein Terrorischt
Und doch wirsch überwacht, bi jedem Mischt
Früener häsch vor Gott no, grossi Ehrfurcht gha
Well nur er hett alls gseh, hüt ischs au d‘NSA
Witz-Verbot
Liebs Publikum, mir sind i Gfohr
Üs lieget schlimmi Infos vor
Mir törfed nöd so luschtig si
Susch buchtets üs denn nächstens i
Es isch riskant, wenn eine witzt
Und dummerwiis no d’Pointe sitzt
Fühlt sich denn eine chli verletzt
Wird d’Staatsanwaltschaft uf di ghetzt
Dä Tschäppät kennt das Spiel genau
Er sait am Tschingg du fuuli Sau
Und au dä Rocchi isch nöd fair
Er hett bi Jude nöd so s’Flair
Ref: Ein bisschen Spass muss sein
Ein bisschen Spass muss sein
Das Leben ist schon stier genug
Wir hauen richtig rein
Denn etwas Spass muss sein
Wenn es dich stört, sieh ein
Mach keinen Aufstand, lass es sein
Sonst hauen wir dir eins rein
Denn etwas Spass muss sein
Boxen-Stopp
Häsch du grad jetzt, en riese Drang
Magsch es verhebe nüme lang
Bisch früener eifach schnell ufs Klo
Aber au da isch hüt nüm so
Wenn du es Gschäft, verrichte muesch
Und du das no in Züri tuesch
Isch‘s nüme s’stille Örtli – nei
Es isch ä Box für dich grad frei
Ref: Let’s talk about sex
Mir redet vo Boxe-Stopp
En dringende Boxe-Stopp
Denn zum Verrichte gits in Züri
jetzt en Boxe-Stopp
Doch nöd zum schissä
Mir redet vo Boxe-Sex
Romantische Boxe-Sex
Denn döt häsch du ä Box
für so Bedürfnis wie au Sex
Doch nöd zum schissä
Es isch ä Verrichtigs-Box
Ä schöni Verrichtigs-Box
Doch s’gross Problem isch
niemert wott i die Verrichtigs-Box
Au nöd zum schissä
Masseneinwanderung
Im Schwizerland, isch’s huere schön
Doch weg dä Fremde git’s es Gstöhn
Freizügig sind mir lang gnueg gsi
Mit inewandre isch’s vorbi
Es Kontigent, git für üs Sinn
Mir händ scho gnueg vom Usland drin
Au uf dä Arche vom Noah
Hett‘s nur vo jedem eis Paar gha
Ref: Döt ene am Bergli
Döt ennet dä Grenze, döt stoht ä dütschi Geiss
Sie wött über d’Grenze, do hauere eis
Döt ennet dä Grenze, döt stoht en junge Tschech
Ich säg mir chönd stimme, das isch jetzt dis Pech
Döt ennet dä Grenze, stoht ein vom Sudan
Extrem-Pigmentierti sind do nöd im Plan
Döt ennet dä Grenze, stoht ein vo Mexico
Bi üs nimmsch dä Finger, usemund nöd in Po
Döt ennet dä Grenze, döt stoht en Tamil
Ich säg ihm nur sorry, vo eu händ mir z’viel
Döt ennet dä Grenze, döt stönd no viel meh
Zum Glück chönts da Land jetzt vo dussä nur gseh
Les premières dames
Dä Präsident vo Grand Nation
Dä hett sis Hirn in Pantalon
Fascht wie dä Berlusconi au
Kennt er im Land gar jedi Frau
Mir froged drum, Herr Präsident
Gits z’Frankrich nüt, wo würklich brennt
Er wird ganz bleich, kei Bluet im Gsicht
Und git zur Antwort üs ganz schicht
Ref: Chume, chume nöd drus
Ha kei Ahnig, ha kei Ahnig
Chume, chume nöd drus
Soviel Fraue, soviel Fraue, sind zviel Fraue
Chume eifach nüm drus
Coop-Bank
Alles: Rote Lippen soll man küssen
Volles Konto neuerdings, oder ein Loch im Portemonnaie
Wenn du überrascht bist, brauchst du ein Beruhigungstee.
Bist du bei der Coop Bank, dann ist das wohl normal
Der Kontoauszug ist vom Nachbar, das ist ja egal
Wie kann so was passieren, denkt man sich, das tut doch weh
Für die Coop Bank, ist‘s nach der Entschuldigung passee
Doch mach dir keinen Kopf, so schlecht sieht‘s gar nicht aus
Der Nachbar hat nun Mitleid und führt dich zum Essen aus
Maybe Baby
En heisse Flirt, ä wildi Nacht
Wa händ mir do so alles gmacht
Händ viel probiert, doch nüt studiert
Und so isch s’Unglück halt passiert
Dä Test zeigt üs, 2 Bälke a
Doch i dä Schwiz chunt‘s nöd druf a
Denn d’Krankekasse zahlt und sorgt
Dä nachtlich Abfall wird entsorgt
Ref: Hey Baby
He, hey Baby
I trib di ab, jo i trib di ab
Well es choschtet jo nüt